Frambjóðandi

Íslenskt samfélag einkennist af réttlæti, sanngirni og jöfnum tækifærum.

Auka á vægi einkareksturs í heilbrigðiskerfinu.

Svona svarar Jón Magnússon:
Skilvirkara, ódýrara, styttir biðlista og er hagkvæmt fyrir neytendur.

Grunnskólar eiga að kenna börnum að lesa, skrifa og reikna og láta foreldra um að kenna samfélagsleg gildi.

Svona svarar Jón Magnússon:
Allt of mikil brögð eru af því að kennarar séu með ávirkan áróður gagnvart nemendum sínum þegar kemur að samfélagslegum spurningum. Þetta er hins vegar ekki einhlítt og verður að skoða eftir því hvað um er að ræða í samfélagsfræðslu.

Lágmarkslaun eiga að vera hærri en nú er.

Svona svarar Jón Magnússon:
Mikilvægt er að sem flestir hafi vinnu og hætt er við að verði lágmarkslaun hækkuð til muna, að ýmsir hópar eigi þá erfitt með að fá vinnu.

Ríkið á að halda áfram að styðja og taka þátt í Samgöngusáttmála höfuðborgarsvæðisins, þar með talið uppbyggingu Borgarlínu.

Svona svarar Jón Magnússon:
Það þarf að hugsa samgöngusáttmálann algjörlega upp á nýtt og taka fyrst fyrir það sem skiptir mestu varðandi hnökralausa greiða umferð. Önnur mál verða að bíða þangað til skammtímavandamálin hafa verið leyst.

Ísland á að taka þátt í að fjármagna vopnakaup fyrir Úkraínumenn.

Svona svarar Jón Magnússon:
Við erum herlaus þjóð og eigum ekki að hafa afskipti af hernaðarátökum. Fylgja þeirri utanríkisstefnu sem var mótuð 1945 í árdaga lýðveldisins.

Draga ætti verulega úr kostnaðarþátttöku sjúklinga í heilbrigðiskerfinu.

Svona svarar Jón Magnússon:
Þarna er spurning sem bæði er hægt að svara með jái og neii eins og hún er sett fram. 1. Eðlilegt er að þeir sem hafa fjárhagslega getu og eru vel settir greiði með svipuðum hætti og nú er einkum ef um er að ræða skammtíma vandamál sem eru ekki úr hófi kostnaðarsöm 2. Þegar um langtímavandamál er að ræða og verulegur kostnaður er eðlilegt að dregið verði verulega úr kostnaðarþáttöku sjúklinga.

Eitt af meginmarkmiðum skattkerfisins á að vera að jafna kjör almennings.

Svona svarar Jón Magnússon:
Skattkerfið er til að tryggja tekjur ríkissjóðs til að standa að þeim verkefnum sem þarf að sinna. Skattheimta umfram það er óeðlileg og skaðleg.

Fyrirtæki sem nýta auðlindir landsins ættu að greiða meira til ríkisins fyrir afnot af þeim.

Svona svarar Jón Magnússon:
Mismunandi eftir um hvað er að ræða og einnig spurning um skilgreiningu á auðlindum.

Íslensk stjórnvöld eiga að tala af meiri festu gegn hernaði Ísraela á Gaza.

Svona svarar Jón Magnússon:
Við eigum að styðja varnarbaráttu Ísrael gegn hryðjuverkasamtökum og standa með þeim í að uppræta þau. Íslensk stjórnvöld ættu að tala af festu fyrir því að lýðræðisþjóðir heimsins standi sameiginlega að því að uppræta hryðjuverkasamtök sem eru ógn við allmannaheill og lýðræði.

Hækka ætti gjöld á mengunarvalda til að minnka losun gróðurhúsalofttegunda.

Herða ætti lög eða reglur til að færri sæki hér um alþjóðlega vernd.

Íslenskt samfélag var öruggt og friðsælt en er það ekki lengur.

Svona svarar Jón Magnússon:
Mjög mikilvægt Vegna þess hvernig samsetning þjóðarinnar hefur breyst hafa alvarlegir glæpir m.a. alvarlegir ofbeldisglæpir og morð aukist til muna og nauðsynlegt að geta unnið gegn því með auknum heimilldum lögreglunnar til forvirkra rannsókna auk annars og takmarka svo sem unnt er aðstreymi fólks til landsins.

Komi til annars heimsfaraldurs eiga stjórnvöld að ganga skemmra í sóttvarnaaðgerðum en gert var í COVID-faraldrinum.

Svona svarar Jón Magnússon:
Mjög mikilvægt Alltaf á að virða í hvívetna einstaklingsfrelsi og önnur mikilvægustu ákvæði persónuréttar stjórnarskrár.

Stjórnvöld eiga að gera allt sem í þeirra valdi stendur til að tryggja að fólk geti áfram búið í Grindavík, sama hvað það kostar.

Svona svarar Jón Magnússon:
Eðlilegt að standa með Grindvíkingum og aðstoða við að þeir sem vilja geti búið í bænum ef þess er kostur og það er öruggt. En það eru alltaf takmörk fyrir því hvað hægt er að ganga langt í stuðningi við búsetu á ákveðnum stöðum. Verði náttúruvá viðvarandi á svæðinu með hættu fyrir íbúa í Grindavík þá verða þeir sem vilja að fá að halda áfram að búa á svæðinu en það getur ekki verið á ábyrgð skattgreiðenda.

Hagsmunir náttúrunnar eiga að vega þyngra en fjárhagslegir hagsmunir þegar stjórnvöld taka ákvarðanir um atvinnuuppbyggingu.

Efna á til þjóðaratkvæðagreiðslu um aðildarviðræður við ESB.

Svona svarar Jón Magnússon:
Mjög mikilvægt Þjóðaratkvæðagreiðsla er ekki raunhæf fyrr en fyrir liggur hvaða kostir okkur bjóðast í aðildarviðræðum. Nokkuð ljóst, að Ísland getur ekki samþykkt ákvæði evrópureglna varðandi fiskveiðar t.d. Síðan er ljóst að Ísland mundi greiða meira til ES en við fáum til baka. Þessar staðreyndir verða að liggja ljósar fyrir áður en lagt er af stað í þjóðaratkvæðagreiðslu.

Innheimta á veggjöld í auknum mæli til að fjármagna nýjar vegaframkvæmdir.

Það er nauðsynlegt að virkja meira á Íslandi.

Svona svarar Jón Magnússon:
Mjög mikilvægt Mikilvægt að virkja til að auka velmegun í landinu.

Slaka ætti á regluverki og kröfum í byggingariðnaði til að flýta húsnæðisuppbyggingu.

Alþingi á að vinna markvisst að endurskoðun stjórnarskrárinnar á næsta kjörtímabili.

Svona svarar Jón Magnússon:
Það væri eðlilegra að á næsta kjörtímabili yrði settur niður hópur kunnáttufólks í stjórnskipunarrétti til að athuga nauðsynlegar breytingar á stjórnarskrár, sem gerði tillögur til Alþingis með svipuðum hætti og Svíar gerðu í aðdraganda breytinga á stjórnarskrár sinnar. Síðan mundi málið fara til umfjöllunar Alþingis og afgreiðslu.

Hvernig ættu skattar og gjöld á fyrirtæki að vera, miðað við í dag?

Hvernig ættu skattar á tekjur almennings að vera, miðað við skattheimtu í dag?

Miðað við núgildandi stefnu, hversu miklu eiga stjórnvöld að kosta til þess að fólk sem hingað flytur aðlagist samfélaginu?

Svona svarar Jón Magnússon:
Mjög mikilvægt Skylda fólk til að læra Íslensku og hafa gott aðgengi fyrri útlendinga að fræðslu um Íslenska tungu og menningu.

Hversu langt ættu stjórnvöld að ganga í flutningi opinberra starfa til landsbyggðanna, miðað við stefnuna í dag?

Svona svarar Jón Magnússon:
Flutningur opinberra starfa til landsbyggðarinnar hefur oft í för með sér verri þjónustu og aukinn kostnað það á að forðast.

Hversu mikið frjálsræði ætti að vera í áfengissölu í verslunum, miðað við stöðuna í dag?

Hver eru mikilvægustu kosningamálin?