Frambjóðandi

Íslenskt samfélag einkennist af réttlæti, sanngirni og jöfnum tækifærum.

Svona svarar Kristrún Frostadóttir:
Ísland er frábært land, en það er ýmislegt hér sem virkar ekki nógu vel í þágu réttlætis, sanngirnis og jafnra tækifæra. Við getum gert svo miklu betur. Flest okkar sem búum hér viljum bæta stöðuna og á það eigum við að einblína.

Auka á vægi einkareksturs í heilbrigðiskerfinu.

Svona svarar Kristrún Frostadóttir:
Einkarekstur í sjálfu sér er ekki lausn. Heldur hvað er á hendi hins opinbera og hvað á hendi einkaaðila. Gleymum ekki að einkarekstur er líka fjármagnaður af ríkinu og með skattfé þó að rekstrarformið sé annað. Sumt virkar vel í einkarekstri, annað ekki. Hættan er sú að einkarekstur á röngum stöðum og í of miklum mæli grafi undan opinberri þjónustu og dragi þar með úr jöfnu aðgengi fólks að framúrskarandi heilbrigðisþjónustu.

Grunnskólar eiga að kenna börnum að lesa, skrifa og reikna og láta foreldra um að kenna samfélagsleg gildi.

Svona svarar Kristrún Frostadóttir:
Stór hluti af skólagöngu snýr að því að kenna börnum að vinna í hóp, með öðrum og læra mannleg samskipti. Foreldrar bera auðvitað ábyrgð á uppeldi barna sinna, en skólinn gegnir mikilvægu hlutverki í að undirbúa börn undir lífið.

Lágmarkslaun eiga að vera hærri en nú er.

Svona svarar Kristrún Frostadóttir:
Aðalatriðið er að laun fólks dugi fyrir grunnþörfum - vandi síðustu ára er að húsnæðiskostnaður og matarverð hefur rokið upp, sem og vextir og verðbólga. Þess vegna duga lágmarkslaun víða ekki fyrir grunnþörfum. Það þarf að lækka kostnaðinn við að lifa á Íslandi fyrst og fremst, þá þyrftu laun ekki að hækka.

Ríkið á að halda áfram að styðja og taka þátt í Samgöngusáttmála höfuðborgarsvæðisins, þar með talið uppbyggingu Borgarlínu.

Ísland á að taka þátt í að fjármagna vopnakaup fyrir Úkraínumenn.

Svona svarar Kristrún Frostadóttir:
Ísland á fyrst og fremst fjármagna mannúðaraðstoð. Upp geta þó komið aðstæður sem kalla á fjármögnun á vopnum, í undantekningartilvikum, eins og í tilviki Úkraínu í mikilli neyð.

Draga ætti verulega úr kostnaðarþátttöku sjúklinga í heilbrigðiskerfinu.

Eitt af meginmarkmiðum skattkerfisins á að vera að jafna kjör almennings.

Svona svarar Kristrún Frostadóttir:
Skattakerfinu má beita til að jafna kjör almennings - bæði eftir tekjum en líka tímabilum í lífi fólks. Barnafólk er með þyngri útgjöld en fólk sem er með uppkomin börn, sem dæmi, og taka ætti tillit til þess við skattlagningu. Ungt fólk sem er að stíga sín fyrstu skref á fasteignamarkaði er með hærri útgjöld en fólk á miðjum aldri sem á fasteign sína skuldlaust. Það er hægt að beita skattkerfinu með ýmsum hætti í gegnum skatta, barnagreiðslur og vaxtaafslætti, til að taka tillit til stöðu fólks.

Fyrirtæki sem nýta auðlindir landsins ættu að greiða meira til ríkisins fyrir afnot af þeim.

Íslensk stjórnvöld eiga að tala af meiri festu gegn hernaði Ísraela á Gaza.

Hækka ætti gjöld á mengunarvalda til að minnka losun gróðurhúsalofttegunda.

Herða ætti lög eða reglur til að færri sæki hér um alþjóðlega vernd.

Svona svarar Kristrún Frostadóttir:
Nú þegar hafa verið gerðar breytingar á útlendingalögum sem hafa leitt til þess að meira samræmi er á milli reglna hér og á Norðurlöndunum sem dæmi. Mikilvægast er að passa upp á hvernig er tekið á móti fólki, að afgreiðsla mála sé hröð og skilvirk, enda ómannúðlegt að láta fólk bíða í óvissu um sína stöðu í of langan tíma.

Íslenskt samfélag var öruggt og friðsælt en er það ekki lengur.

Komi til annars heimsfaraldurs eiga stjórnvöld að ganga skemmra í sóttvarnaaðgerðum en gert var í COVID-faraldrinum.

Svona svarar Kristrún Frostadóttir:
Það skiptir máli að þetta tímabil í sögunni verði gert upp og við lærum af því. Eins og er hefur ekkert komið fram hér heima sem bendir til þess að of langt hafi verið gengið í sóttvarnaraðgerðum . Ef fram kom nýjar upplýsingar þess efnis verða stjórnvöld að taka mið af því í næsta faraldri.

Stjórnvöld eiga að gera allt sem í þeirra valdi stendur til að tryggja að fólk geti áfram búið í Grindavík, sama hvað það kostar.

Hagsmunir náttúrunnar eiga að vega þyngra en fjárhagslegir hagsmunir þegar stjórnvöld taka ákvarðanir um atvinnuuppbyggingu.

Svona svarar Kristrún Frostadóttir:
Hagsmunir náttúru og atvinnuuppbyggingar þarf oft að vega og meta. Fólk þarf að geta nýtt náttúruna, á henni höfum við lifað hingað til, en við megum ekki ganga of nærri henni heldur. Jafnvægið þarf að vera til staðar áfram.

Efna á til þjóðaratkvæðagreiðslu um aðildarviðræður við ESB.

Innheimta á veggjöld í auknum mæli til að fjármagna nýjar vegaframkvæmdir.

Það er nauðsynlegt að virkja meira á Íslandi.

Slaka ætti á regluverki og kröfum í byggingariðnaði til að flýta húsnæðisuppbyggingu.

Svona svarar Kristrún Frostadóttir:
Ýmislegt í byggingareglugerðum er úrelt, fyrst og fremst þarf að uppfæra regluverkið í takt við nútímann. Það þarf að endurvekja Rannsóknarmiðstöðu byggingariðnaðarins sem var lögð niður á sínum tíma til "að spara" kostnað. Annars staðar má einfalda regluverk. Þetta er allt spurning um ákveðið jafnvægi.

Alþingi á að vinna markvisst að endurskoðun stjórnarskrárinnar á næsta kjörtímabili.

Svona svarar Kristrún Frostadóttir:
Það þarf auðlindaákvæði í stjórnarskrá og svo þarf að halda áfram að vinna breytingum á stjórnarskránni í skrefum.

Hvernig ættu skattar og gjöld á fyrirtæki að vera, miðað við í dag?

Hvernig ættu skattar á tekjur almennings að vera, miðað við skattheimtu í dag?

Svona svarar Kristrún Frostadóttir:
Samfylkingin leggur til hækkun á fjármagnstekjuskatti úr 22% í 25%. Rífleg frítekjumörk og þrepaskipting þýðir að fólk með hóflegar fjármagnstekjur finnur ekki fyrir hækkuninni. Hafa ber í huga að hátt í 80% af fjármagnstekjum í landinu rennur til ríkustu 10% landsmanna - og um 50% til efsta 1%.

Miðað við núgildandi stefnu, hversu miklu eiga stjórnvöld að kosta til þess að fólk sem hingað flytur aðlagist samfélaginu?

Svona svarar Kristrún Frostadóttir:
Það þarf að stórefla íslenskukennslu í landinu.

Hversu langt ættu stjórnvöld að ganga í flutningi opinberra starfa til landsbyggðanna, miðað við stefnuna í dag?

Hversu mikið frjálsræði ætti að vera í áfengissölu í verslunum, miðað við stöðuna í dag?

Hver eru mikilvægustu kosningamálin?