Frambjóðandi

Það er gott að búa í mínu sveitarfélagi.

Ég er ánægð/ur með þá þjónustu sem sveitarfélagið veitir mér.

Hvernig ættu skattar og gjöld að vera í sveitarfélaginu miðað við stöðuna í dag?

Svona svarar Stefán Pálsson:
Það ætti að vera hægt að bæta þjónustu við íbúa í sveitarfélögum með því að laga skiptingu tekjustofna milli ríkis og sveitarfélaga án þess að það kalli á hækkun skatta.

Þegar skipulögð er byggð í sveitarfélaginu ætti frekar að leggja áherslu á ný hverfi en þéttingu byggðar.

Svona svarar Stefán Pálsson:
Það er ónákvæmt að stilla þéttingu byggðar og nýjum vaxtarsvæðum fram sem andstæðum. Þróun borgarinnar mun kalla á hvort tveggja á komandi árum.

Fjölga ætti íbúakosningum svo að almenningur geti tekið meiri þátt í ákvörðunum í sveitarfélaginu.

Sveitarfélögum ætti að vera skylt að lögum að sjá börnum fyrir leikskólavist frá tólf mánaða aldri.

Svona svarar Stefán Pálsson:
Flöskuhálsinn þegar kemur að því að stækka leikskólakerfið er skortur á starfsfólki. Mönnunarvandinn verður ekki leystur með því að skella lagakvöð á sveitarfélögin þótt markmiðið sé í sjálfu sér ágætt.

Sveitarfélagið mitt ætti að bjóða heimgreiðslur til foreldra til að auðvelda þeim að vera heima með börnum frá því að fæðingarorlofi lýkur og fram að leikskólavist.

Svona svarar Stefán Pálsson:
Áhersla sveitarfélaga á að vera á að styrkja leikskólastigið og sterkar vísbendingar eru um að heimgreiðslur geti orðið til að draga úr kynjajafnrétti.

Hvetja ætti foreldra til að stytta vistunartíma leikskólabarna gegn afslætti af gjöldum.

Svona svarar Stefán Pálsson:
Grunnatriði í Reykjavíkurleiðinni svokölluðu er skapa jákvæða hvata til að ýta undir að lengd leikskóladagsins endurspegli styttingu vinnuvikunnar sem unnið hefur verið að um langt skeið. Það má þó ekki verða til að efnaminni foreldrum sé refsað.

Sveitarfélagið ætti að beita sér fyrir frekari útvistun verkefna sinna við rekstur leik- og grunnskóla

Sveitarfélagið ætti að niðurgreiða íþrótta- og tómstundaiðkun barna meira en nú er gert.

Verja ætti meira fé til að styðja menningarlíf í sveitarfélaginu.

Hælisleitendur á barnsaldri ættu að fá sömu þjónustu í sveitarfélaginu og aðrir íbúar.

Snjómokstur og götusópun er fullnægjandi í mínu sveitarfélagi.

Sveitarfélagið ætti að greiða leið nýrra fyrirtækja sem vilja hefja starfsemi á svæðinu, með fjárhagslegum ívilnunum

Sveitarfélagið þarf að auka fjárhagsaðstoð við þá íbúa sem lifa undir fátæktarmörkum.

Lengja ætti opnunartíma sundlauga, þótt það kosti sveitarfélög fé.

Sveitarfélög hafa gengið of langt í að skikka íbúa til að flokka sorp.

Svona svarar Stefán Pálsson:
Mjög mikilvægt Sorpflokkun íbúa á höfuðborgarsvæðinu er einhver mikilvægasta loftslagsaðgerðin og skiptir máli í baráttu við stærstu ógn okkar tíma.

Sveitarfélög ættu að verja meira fé í þjónustu við eldri borgara.

Sveitarfélög ættu að greiða eldri borgurum frístundastyrk.

Svona svarar Stefán Pálsson:
Það er gríðarlegur munur á fjárhagslegri stöðu eldri borgara. Sumir búa við þröngan kost en aðrir eru meðal þeirra best settu í samfélaginu. Flatur frístundastyrkur til þessa hóps er því ómarkviss aðgerð.

Sveitarfélagið á að taka þátt í svokölluðum samgöngusáttmála höfuðborgarsvæðisins.

Ljúka á við Borgarlínu í þeirri mynd sem núverandi áform gera ráð fyrir.

Fækka á akreinum fyrir almenna bílaumferð til að búa til pláss fyrir sérakreinar fyrir strætó.

Að minnsta kosti eitt bílastæði á að fylgja hverri íbúð í sveitarfélaginu.

Svona svarar Stefán Pálsson:
Hlutfall bílaeignar og íbúafjölda er mismunandi eftir hverfum borgarinnar og samsetningar þeirra. Það er ekki sjálfgefið að sömu viðmið eigi við á öllum stöðum. Hafa ber líka í huga að bílastæði eru ekki ókeypis, einkum í bílakjöllurum og stuðla að hærra húsnæðisverði.

Það eru of margir einkabílar í umferðinni.

Það er rétt að takmarka aðgengi almennings að útivistarsvæðinu í Heiðmörk í þágu vatnsverndar.

Svona svarar Stefán Pálsson:
Vatn er mögulega dýrmætasta og viðkvæmasta auðlind okkar og óhjákvæmilegt getur verið að færa fórnir til að vernda það. Hins vegar ætti að vera hægt að ná sátt um lausnir sem tryggja vatnsvernd en skerða ekki um of útivistarmöguleika í Heiðmörk.

Hverfi Reykjavíkur njóta jafnræðis þegar kemur að þjónustu sem sveitarfélagið veitir.

Svona svarar Stefán Pálsson:
Það liggur fyrir að mörgum íbúum austari hverfanna í borginni finnst þeir afskiptir og að athygli borgarinnar beinist um of af eldri hverfunum í mið- og vesturhlutanum. Það er slæmt ef slík upplifun fólks er almenn og mikilvægt að vinna gegn því með öllum ráðum.

Festa á svokallaða Reykjavíkurleið í leikskólamálum í sessi til framtíðar.

Svona svarar Stefán Pálsson:
Reykjavíkurleiðin er tilraun til að draga úr mönnunar- og fáliðunarvanda í leikskólunum. Ekki er komin reynsla á hana enn. Takist að ná markmiðunum með Reykjavíkurleiðinni er sjálfsagt að halda henni áfram.

Koma þarf í veg fyrir fyrirhugaðar breytingar á skipulagi Suðurlandsbrautar.

Svona svarar Stefán Pálsson:
Breytingarnar á skipulagi Suðurlandsbrautar eru mikilvægur þáttur í endurbótum á samgöngukerfi borgarinnar og munu reynast vel.

Hætta á við fyrirhuguð Miklubrautargöng.

Einkavæða ætti Orkuveitu Reykjavíkur

Reykjavíkurflugvöllur á að vera í Vatnsmýri til frambúðar.

Svona svarar Stefán Pálsson:
Það er yfirlýst stefna ríkis og Reykjavíkurborgar að Reykjavíkurflugvöllur skuli víkja - en það þó ekki fyrr en að jafngóð eða betri lausn finnst í staðinn. Það prinsip stendur óhaggað.

Hver eru mikilvægustu kosningamálin?