Frambjóðandi

Íslenskt samfélag einkennist af réttlæti, sanngirni og jöfnum tækifærum.

Auka á vægi einkareksturs í heilbrigðiskerfinu.

Svona svarar Steinar Jónsson:
Ef einkaaðilar geta sýnt fram á aukin gæði og hagkvæmni fram yfir þá valkosti sem hið opinbera býður upp á, þá er ég hlynntur því að ríkið niðurgreiði slíka þjónustu. Mér líst hins vegar illa á að ríkið útvisti þjónustu til einkaaðila í svo miklu magni að þeir geti stundað einokun á tiltekinni þjónustuveitingu sem hið opinbera greiðir fyrir.

Grunnskólar eiga að kenna börnum að lesa, skrifa og reikna og láta foreldra um að kenna samfélagsleg gildi.

Svona svarar Steinar Jónsson:
Ég vil að grunnskólar kenni börnum lífsleikni sem felur í sér grunndvallarsálfræði eins og samskipti kynjanna, námstækni, efling sjálfstrausts og greining á eigin líðan. Einnig vil ég sjá öflugt forvarnarstarf í skólum sem snýst um að fræða en ekki hræða, þar sem nemendum eru veittar góðar upplýsingar sem gera þeim betur kleift að taka upplýstar ákvarðanir um eigin heilsu. Það er hins vegar ekki hlutverk grunnskóla að kenna börnum trúarbragðafræði.

Lágmarkslaun eiga að vera hærri en nú er.

Svona svarar Steinar Jónsson:
Mjög mikilvægt Það á ekki að viðgangast að lágmarkslaun séu lægri en lágmarksframfærsla. Allir þurfa að lifa og því fylgir ákveðinn grunnkostnaður sem full laun óháð starfsvettvangi eiga að duga fyrir. Ég legg til að ríkið áætli lágmarksframfærslu í byrjun hvers árs og að kjarasamningum beri að taka mið af þeirri upphæð.

Ríkið á að halda áfram að styðja og taka þátt í Samgöngusáttmála höfuðborgarsvæðisins, þar með talið uppbyggingu Borgarlínu.

Svona svarar Steinar Jónsson:
Hingað til hefur megnið af samgönguútgjöldum ríkisins farið í landsbyggðina á meðan höfuðborgarsvæðið hefur mætt afgangi. Með tilliti til þess að megnið af þjóðinni á heima á höfuðborgarsvæðinu finnst mér sjálfsagt að ríkið setji rausnarlegar fjárveitingar í uppbyggingu á samgönguinnviðum höfuðborgarsvæðisins með sérstöku tilliti til almenningssamgangna. Ferðafrelsi á ekki að takmarkast við þá sem eiga bíl.

Ísland á að taka þátt í að fjármagna vopnakaup fyrir Úkraínumenn.

Svona svarar Steinar Jónsson:
Mjög mikilvægt Ísland á aldrei að fjármagna stríðsrekstur. Okkar styrkleiki felst í diplómatískum samskiptum, ekki hernaði.

Draga ætti verulega úr kostnaðarþátttöku sjúklinga í heilbrigðiskerfinu.

Svona svarar Steinar Jónsson:
Mér finnst tími til kominn að fella tannlæknakostnað að miklu leyti undir sjúkratryggingakerfið og tryggja öllum ólögráða einstaklingum ókeypis tannlæknaþjónustu. Varðandi almennan kostnað við heilbrigðiskerfið, þá tel ég nauðsynlegt að auka skilvirkni heilbrigðiskerfisins til að auka afköst og draga úr kostnaði.

Eitt af meginmarkmiðum skattkerfisins á að vera að jafna kjör almennings.

Svona svarar Steinar Jónsson:
Lykilmarkmið skattkerfisins (að mínu mati) er að stuðla að góðum lífskjörum fyrir þjóðina alla. Í ljósi þess að fólk er með misjöfn launakjör tel ég eðlilegt að skattkerfið taki mið af því. Að öðrum kosti myndi skattkerfið vinna gegn eigin markmiði.

Fyrirtæki sem nýta auðlindir landsins ættu að greiða meira til ríkisins fyrir afnot af þeim.

Svona svarar Steinar Jónsson:
Það er ekkert nema eðlilegt að fyrirtæki greiði hráefnisgjald fyrir afnot af auðlindum þjóðarinnar. Slíkt gjald þarf að minnsta kosti að standa undir öllum umsýslukostnaði ríkissins sem til fellur við umsýslu slíkra auðlinda. Afnot af auðlindum þjóðarinnar ætti einnig að fela í sér atvinnusköpun á Íslandi og gæta þarf sérstaklega að því að starfsemin skili ríkinu auknum skatttekjum.

Íslensk stjórnvöld eiga að tala af meiri festu gegn hernaði Ísraela á Gaza.

Hækka ætti gjöld á mengunarvalda til að minnka losun gróðurhúsalofttegunda.

Herða ætti lög eða reglur til að færri sæki hér um alþjóðlega vernd.

Svona svarar Steinar Jónsson:
Ég hef ekki næga þekkingu á þessum málum til að taka neina afstöðu.

Íslenskt samfélag var öruggt og friðsælt en er það ekki lengur.

Svona svarar Steinar Jónsson:
Ísland er ennþá eitt af öruggustu löndum í heiminum. Það er á ábyrgð okkar allra að halda í þau gæði.

Komi til annars heimsfaraldurs eiga stjórnvöld að ganga skemmra í sóttvarnaaðgerðum en gert var í COVID-faraldrinum.

Stjórnvöld eiga að gera allt sem í þeirra valdi stendur til að tryggja að fólk geti áfram búið í Grindavík, sama hvað það kostar.

Svona svarar Steinar Jónsson:
Í ljósi aðstæðna, þá er Grindavík ekki skynsamlegur staður fyrir fólk að búa á. Þessi eldsumbrot eru nýr veruleiki sem við verðum að læra að sætta okkur við.

Hagsmunir náttúrunnar eiga að vega þyngra en fjárhagslegir hagsmunir þegar stjórnvöld taka ákvarðanir um atvinnuuppbyggingu.

Svona svarar Steinar Jónsson:
Við eigum að leggja áherslu á að styðja við starfsemi sem stuðlar að innlendri atvinnu- og verðmætasköpun þar sem ágóðinn verður að megninu til eftir á Íslandi. Til hliðsjónar þarf svo að meta í hverju tilviki fyrir sig hvort atvinnuuppbyggingin réttlæti óafturkræfa röskun á íslenskri náttúru.

Efna á til þjóðaratkvæðagreiðslu um aðildarviðræður við ESB.

Svona svarar Steinar Jónsson:
Ég er alfarið andvígur inngöngu í Evrópusambandið og upptöku evru, en sé vilji meirihluta þjóðarinnar fyrir því að opna á viðræður ætlast ég til þess að málin séu vandlega útskýrð fyrir almenningi og svo í framhaldinu kosið um áframhald viðræðna. Þegar uppi er staðið vegur lýðræðið þyngst í þessu máli.

Innheimta á veggjöld í auknum mæli til að fjármagna nýjar vegaframkvæmdir.

Svona svarar Steinar Jónsson:
Ég vil aldrei sjá gjaldtöku fyrir brýr eða vegi. Í einstaka tilvikum get ég stutt gjaldtöku í jarðgöngum, en þó einungis til að greiða upp framkvæmdakostnað mannvirkisins.

Það er nauðsynlegt að virkja meira á Íslandi.

Svona svarar Steinar Jónsson:
Það liggur ljóst við að raforkuþörf samfélagsins er að aukast og til að mæta þeirri auknu þörf tel ég ákjósanlegt að við nýtum okkur vatnsaflsmáttinn frekar en vindorku. Ég er hins vegar ekki hlynntur því að byggja virkjanir til að selja alþjóðlegum stórfyrirtækjum niðurgreitt rafmagn fyrir starfsemi sem skilar ekki skatttekjum til ríkisins hvort sem starfsemin skapi ný atvinnutækifæri á Íslandi eða ekki.

Slaka ætti á regluverki og kröfum í byggingariðnaði til að flýta húsnæðisuppbyggingu.

Alþingi á að vinna markvisst að endurskoðun stjórnarskrárinnar á næsta kjörtímabili.

Svona svarar Steinar Jónsson:
Endurskoðun á stjórnarskrá þarf að fara fram í nánu samráði við almenning. Ég vil uppfæra núverandi stjórnarskrá, en halda því góða sem í henni er.

Hvernig ættu skattar og gjöld á fyrirtæki að vera, miðað við í dag?

Hvernig ættu skattar á tekjur almennings að vera, miðað við skattheimtu í dag?

Svona svarar Steinar Jónsson:
Ég er hlynntur því að fella fjármagnstekjur undir almennan tekjuskatt og hækka persónuafsláttinn á móti.

Miðað við núgildandi stefnu, hversu miklu eiga stjórnvöld að kosta til þess að fólk sem hingað flytur aðlagist samfélaginu?

Svona svarar Steinar Jónsson:
Ég vil að ríkið niðurgreiði að fullu íslenskukennslu fyrir innflytjendur til að gera þeim betur kleift að aðlagast okkar samfélagi.

Hversu langt ættu stjórnvöld að ganga í flutningi opinberra starfa til landsbyggðanna, miðað við stefnuna í dag?

Svona svarar Steinar Jónsson:
Ég tel það vera jákvætt að dreifa störfum ríkisins um landið til að stuðla að atvinnusköpun á landsbyggðinni.

Hversu mikið frjálsræði ætti að vera í áfengissölu í verslunum, miðað við stöðuna í dag?

Svona svarar Steinar Jónsson:
Ríkið á ekki að takmarka aðgang ábyrgra lögráða einstaklinga að vímuefnum út frá þeim forsendum að sumir kunni sig ekki.

Hver eru mikilvægustu kosningamálin?

Svona svarar Steinar Jónsson:
Húsnæðisvandinn er brýnastur, því einhvers staðar þurfa allir að búa. Úrbætur í samgöngumálum þarf að framkvæma samhliða húsnæðisuppbyggingu svo að fólk geti komist hratt og áreiðanlega á milli staða. Svo vil ég sjá greiðari aðgang að sálfræðiþjónustu, betri aðstöðu fyrir geðdeild, mannúðlegri nálgun í vímuefnamálum, fjölbreyttari meðferðarúrræði og styttri biðlista í heilbrigðiskerfinu.