Frambjóðandi

Það er gott að búa í mínu sveitarfélagi.

Svona svarar Viktor Árnason:
Mjög mikilvægt Reykjavík er yndisleg, en að sjálfsögðu ekki fullkomin, borg sem hefur gríðarmarga kosti. Enda sækir stór og fjölbreyttur hópur fólks víðsvegar að, bæði innlent sem og erlent, að flytja hingað.

Ég er ánægð/ur með þá þjónustu sem sveitarfélagið veitir mér.

Svona svarar Viktor Árnason:
Mjög mikilvægt Þótt Reykjavík beri á herðum sér ýmsa þjónustu fyrir allt Höfuðborgarsvæðið og standi sig mjög vel í innbænum, er mjög margt enn ábótavant í úthverfum borgarinnar. Sem hefur skilað af sér að við sem búum fjær frá miðju borgarinnar upplifum okkur stundum ekki sem jafningja annarra í borginni.

Hvernig ættu skattar og gjöld að vera í sveitarfélaginu miðað við stöðuna í dag?

Svona svarar Viktor Árnason:
Tekjuskatta þarf að lækka á allt verkafólk og hækka þarf fjármagnstekjuskatta, en það er varla borgarmál.

Þegar skipulögð er byggð í sveitarfélaginu ætti frekar að leggja áherslu á ný hverfi en þéttingu byggðar.

Svona svarar Viktor Árnason:
Mjög mikilvægt Ný hverfi við jaðar borgarinnar munu bara auka þau vandamál sem nú þegar eru að þyngja þjónustugetu borgarinnar. Dreifð byggð er dýr!

Fjölga ætti íbúakosningum svo að almenningur geti tekið meiri þátt í ákvörðunum í sveitarfélaginu.

Svona svarar Viktor Árnason:
Mjög mikilvægt Fulltrúalýðræði er hlaðið vandamálum, og bein þátttaka almennings í þeim ákvörðunum sem varða okkur öll er bara af hinu góða.

Sveitarfélögum ætti að vera skylt að lögum að sjá börnum fyrir leikskólavist frá tólf mánaða aldri.

Svona svarar Viktor Árnason:
Öll börn hafa rétt á umönnun

Sveitarfélagið mitt ætti að bjóða heimgreiðslur til foreldra til að auðvelda þeim að vera heima með börnum frá því að fæðingarorlofi lýkur og fram að leikskólavist.

Hvetja ætti foreldra til að stytta vistunartíma leikskólabarna gegn afslætti af gjöldum.

Sveitarfélagið ætti að beita sér fyrir frekari útvistun verkefna sinna við rekstur leik- og grunnskóla

Svona svarar Viktor Árnason:
Útvistun rektsturs hefur skapað gríðarlegt bákn á borginni í mörgum tilfellum með auknum kostnaði og möguleikum til spillingar og frændhygli, þetta er öxull þar sem má fara betur með almennafé.

Sveitarfélagið ætti að niðurgreiða íþrótta- og tómstundaiðkun barna meira en nú er gert.

Svona svarar Viktor Árnason:
Samfélag þar sem fólk (einkum börn) geta ræktað sjálfið og notið frístunda sinna er samfélag hraustra, sjálfsöruggra og heilbrigðra einstaklinga.

Verja ætti meira fé til að styðja menningarlíf í sveitarfélaginu.

Svona svarar Viktor Árnason:
Reykjavíkurborg er ein helsta menningarmiðstöð Íslands og því ber að viðhalda.

Hælisleitendur á barnsaldri ættu að fá sömu þjónustu í sveitarfélaginu og aðrir íbúar.

Svona svarar Viktor Árnason:
Mjög mikilvægt Öll eigum við að hafa sama aðgengið að þjónust, hvort sem við erum fædd á Landspítalanum eða annars staðar, og hvort sem við erum rík eða fátæk, því við myndum öll íslenskt samfélag.

Snjómokstur og götusópun er fullnægjandi í mínu sveitarfélagi.

Svona svarar Viktor Árnason:
Hér er úthverfaþjónustan því miður gríðarlega ábótavön, og oft ekki skafið svo vikum skiptir, t.d. í íbúðahverfum í Grafarholti eða á Kjalarnesi. Hér mætti t.d. takmarka útvistun verkefna og taka aftur upp fyrra kerfi.

Sveitarfélagið ætti að greiða leið nýrra fyrirtækja sem vilja hefja starfsemi á svæðinu, með fjárhagslegum ívilnunum

Svona svarar Viktor Árnason:
Fjárhagslegar ívilnanir til fyrirtækja vilja oftar en ekki skila sér í vasa þeirra sem fyrirtækin eiga. Ekki starfsfólksins sem halda þeim uppi.

Sveitarfélagið þarf að auka fjárhagsaðstoð við þá íbúa sem lifa undir fátæktarmörkum.

Lengja ætti opnunartíma sundlauga, þótt það kosti sveitarfélög fé.

Svona svarar Viktor Árnason:
Sund er heilsueflandi, og opnar dyr fólks að nágrönnum sínum. Lengri opnunartímar væru bara af hinu góða.

Sveitarfélög hafa gengið of langt í að skikka íbúa til að flokka sorp.

Svona svarar Viktor Árnason:
Þó flokkun sorps geti verið flókið og fjölbreytt verkefni er flokkun enn ábótavön (sérstaklega af hálfu fyrirtækja og stofnanna, en einnig meðal margra íbúa).

Sveitarfélög ættu að verja meira fé í þjónustu við eldri borgara.

Sveitarfélög ættu að greiða eldri borgurum frístundastyrk.

Svona svarar Viktor Árnason:
Sveitarfélög ættu að greiða öllum frístundarstyrk :)

Sveitarfélagið á að taka þátt í svokölluðum samgöngusáttmála höfuðborgarsvæðisins.

Svona svarar Viktor Árnason:
Bættar samgöngur á milli bæja Höfuðborgarsvæðisins eru bráðnauðsynlegar og aukin og betri þjónusta verður bara af hinu góða.

Ljúka á við Borgarlínu í þeirri mynd sem núverandi áform gera ráð fyrir.

Svona svarar Viktor Árnason:
Við Borgarlínuna hef ég aðeins eina athugasemd og það er að það vanti fleiri leiðir! Þar stendur mér sérstaklega ofarlega í huga leið á milli úthverfa Höfuðborgarsvæðisins.

Fækka á akreinum fyrir almenna bílaumferð til að búa til pláss fyrir sérakreinar fyrir strætó.

Svona svarar Viktor Árnason:
Einn strætó ber 30-50 manns og tekur einungis upp pláss á við 2 stóra bíla sem bera í mesta lagi 10 manns. Því er mikilvægt að forgangsraða skilvirkari samgöngumátum. Einnig auka strætóakreinar aðgengi neyðarbíla og geta bjargað lífum. Þetta er einfalt reiknidæmi.

Að minnsta kosti eitt bílastæði á að fylgja hverri íbúð í sveitarfélaginu.

Svona svarar Viktor Árnason:
Eftir því sem þéttleiki og aðgengi að þjónustum fer minnkandi er sjálfsagt að fjölga stæðum, en í miðbænum þar sem aðgengi með öllum samgöngumátum er hvað best, skapa stæði bara gráa og dapurlega bletti.

Það eru of margir einkabílar í umferðinni.

Svona svarar Viktor Árnason:
Bílar eru óumhverfisvænir, hættulegir, valda heyrnarskemmdum og hafa síðan um miðja síðustu öld, orðið u.þ.b. jafn mörgum að bana og Seinni Heimsstyrjöldin. Fækkun bíla, nema til nauðsynlegrar þjónustu og ferða til óaðgengilegra svæða er bráðnauðsynleg ætlum við okkur að eiga Reykjavík á 22. öldinni.

Það er rétt að takmarka aðgengi almennings að útivistarsvæðinu í Heiðmörk í þágu vatnsverndar.

Hverfi Reykjavíkur njóta jafnræðis þegar kemur að þjónustu sem sveitarfélagið veitir.

Svona svarar Viktor Árnason:
Líkt og áður hefur verið nefnt er þjónustuaðgengi þeirra sem búa í úthverfum ekki jafnt aðgengi þeirra sem búa í innbænum.

Festa á svokallaða Reykjavíkurleið í leikskólamálum í sessi til framtíðar.

Koma þarf í veg fyrir fyrirhugaðar breytingar á skipulagi Suðurlandsbrautar.

Hætta á við fyrirhuguð Miklubrautargöng.

Einkavæða ætti Orkuveitu Reykjavíkur

Svona svarar Viktor Árnason:
Einkavæðing ríkiseigna hefur einungis skilað sér í eignauppsöfnun örfárra á kostnað almennings án nokkurar þjónustuaukningar, hið sama á við eignir sveitarfélaga, og hefur þessi stefna um sölu ríkiseigna sem fengið hefur að vera óáreitt síðan á 9 áratugnum gereyðilagt flestar grunnstoðir Vestræna heimsins.

Reykjavíkurflugvöllur á að vera í Vatnsmýri til frambúðar.

Svona svarar Viktor Árnason:
Flugvöllin ætti að færa, eingungis ef að hægt er að tryggja aðgengi allra landsmanna að neyðarþjónusut Landspítalans.

Hver eru mikilvægustu kosningamálin?

Svona svarar Viktor Árnason:
Ungt fólk, og tekjulágt, hefur lengi verið sniðgengt af stjórnvöldum hvað varðar húsnæðismál. Við eigum öll að hafa aðgengi að þaki yfir höfuðið án þess að þurfa að gerast leiguþrælar.