Efna á til þjóðaratkvæðagreiðslu um aðildarviðræður við ESB.

Við viljum ekki fara í ESB en við erum opin fyrir þjóðaratkvæðagreiðslum.

Framsókn hefur lagt áherslu á að hagsmunum Íslands sé best borgið utan Evrópusambandsins, en flokkurinn styður áframhaldandi gott samstarf við ESB. Það að efna til þjóðaratkvæðagreiðslu um aðildarviðræður við ESB er stór ákvörðun sem krefst víðtækrar umræðu og samráðs við þjóðina.

Miðflokkurinn telur hagsmunum Íslands betur borgið utan ESB en innan tollabandalagsins. Í því ljósi telur flokkurinn enga ástæðu til að efna til þjóðaratkvæðagreiðslu, enda virðast þeir flokkar sem fyrir slíku tala alls ekki vilja að spurt sé: Villtu ganga í Evrópusambandið eins og það er? Sem er það sem stendur til boða, enda engar varanlegar undanþágur í boði eins og fulltrúar ESB hafa verið alveg skýrir með.

Sjálfstæðisflokkurinn telur að hagsmunum þjóðarinnar sé best borgið utan ESB. Þegar kemur að því að efna til þjóðaratkvæðagreiðslu um inngöngu í ESB hefur auk þess verið bent á að það geti skapað vandræði ef niðurstaðan er ekki í samræmi við vilja meirihluta þingsins. Það er mikilvægt að hafa í huga að þjóðaratkvæðagreiðslur þurfa að vera vel ígrundaðar og að spurningar sem lagðar eru fyrir þjóðina séu skýrar og í samræmi við vilja þingsins.

Kynning á umræðu og því sem tengist EES

Skiptar skoðanir eru um málið og þörf á að ræða það mál í stærra samhengi við almenning. Utanríkisstefna Sósíalistaflokksins er m.a. um að auka lýðræðislega aðkomu almennings að ákvarðanatöku varðandi veigamikla þætti heildstæðrar utanríkisstefnu og að allar stærri ákvarðanir sem komi til álita og varða alþjóðlegt samráð og þátttöku í stærri bandalögum verði settar í þjóðaratkvæðagreiðslu.

Á réttum tímapunkti. Til dæmis undir lok næsta kjörtímabils eða samhliða næstu Alþingiskosningum.