Frambjóðandi

Það er gott að búa í mínu sveitarfélagi.

Svona svarar Bryndís Rut Logadóttir:
Kópavogur hefur alla burði til þess að vera frábært sveitafélag. Hér er frábært íþrótta og tómstundarstarf þar sem allir geta fundið eitthvað við sitt hæfi, dásamleg græn svæði og öll þjónusta aðgengileg. Stjórnsýslan þarf að styðja við fjölskyldur og fyrirtæki eins vel og hægt er að nýta fjármuni bæjarfélagsins með hag íbúa að leiðarljósi.

Ég er ánægð/ur með þá þjónustu sem sveitarfélagið veitir mér.

Svona svarar Bryndís Rut Logadóttir:
Viðreisn í Kópavogi telur mikilvægt er að forgangsraða fjármunum þannig að þjónusta við íbúa sér í forgangi. Gegnsæi og aðgengi að upplýsingum mætti vera betri og biðlista eftir þjónustu styttri.

Hvernig ættu skattar og gjöld að vera í sveitarfélaginu miðað við stöðuna í dag?

Svona svarar Bryndís Rut Logadóttir:
Leikskólagjöld eru of há og fasteignagjöldin hafa hækkað ótæpilega. Þessu vill Viðreisn breyta. Við viljum sanngjarnari gjaldtöku.

Þegar skipulögð er byggð í sveitarfélaginu ætti frekar að leggja áherslu á ný hverfi en þéttingu byggðar.

Svona svarar Bryndís Rut Logadóttir:
Í skipulagsmálum þarf fyrst og fremst að taka tillit til núverandi byggðar. Samráð og samtal við íbúa er mikilvægt. Viðreisn vill leggja áherslu á uppbyggingu Vatnsendahvarfs og Vatnsendahlíðar á næstu kjörtímabilum sem og skynsamlega uppbyggingu innan eldri hverfa.

Fjölga ætti íbúakosningum svo að almenningur geti tekið meiri þátt í ákvörðunum í sveitarfélaginu.

Svona svarar Bryndís Rut Logadóttir:
Viðreisn vill leggja áherslu á íbúasamráð og virkt samtal við bæjarbúa. Nýta betur verkefnið Okkar Kópavogur til þess að virkja bæjarbúa til ákvarðanatöku.

Sveitarfélögum ætti að vera skylt að lögum að sjá börnum fyrir leikskólavist frá tólf mánaða aldri.

Svona svarar Bryndís Rut Logadóttir:
Viðreisn telur ekki tímabært að lögfesta rétt barna til leikskólavistar frá 12 mánaða aldri. Viðreisn í Kópavogi vill mæta foreldrum þeirra sem ekki fá úthlutað plássi við 12 mánaða aldur með auknum niðurgreiðslum á öðrum dagvistunarúrræðum á meðan beðið er eftir leikskólaplássi.

Sveitarfélagið mitt ætti að bjóða heimgreiðslur til foreldra til að auðvelda þeim að vera heima með börnum frá því að fæðingarorlofi lýkur og fram að leikskólavist.

Svona svarar Bryndís Rut Logadóttir:
Rannsóknir sýna að heimgreiðslur draga úr atvinnuþátttöku kvenna. Þetta þýðir að mikilvæg réttindi tapast eins og lífeyrisréttindi, veikindaréttur og réttur til fæðingarorlofs og þar með veikir það stöðu kvenna. Heimgreiðslur draga einnig á úr þrýstingnum á að byggja upp betra kerfi til lengri tíma.

Hvetja ætti foreldra til að stytta vistunartíma leikskólabarna gegn afslætti af gjöldum.

Svona svarar Bryndís Rut Logadóttir:
Treysta þarf foreldrum til þess að nýta leikskólavistun upp að því marki sem þörf er á hverju sinni. Gjöld eiga að vera sanngjörn. Greitt fyrir þá þjónustu sem nýtt er. Engin sanngirni er í því að sumir fái fría vistun á meðan aðrir borga himinhá gjöld eins og Kópavogsmódelið er byggt upp nú. Ekki allir eiga bakland eða kost á sveigjanlegum vinnutíma. Viðreisn í Kópavogi vill endurskoða gjaldskránna með sanngirni að leiðarljósi.

Sveitarfélagið ætti að beita sér fyrir frekari útvistun verkefna sinna við rekstur leik- og grunnskóla

Svona svarar Bryndís Rut Logadóttir:
Viðreisn er opin fyrir fjölbreyttu rekstrarformi í mennakerfinu.

Sveitarfélagið ætti að niðurgreiða íþrótta- og tómstundaiðkun barna meira en nú er gert.

Svona svarar Bryndís Rut Logadóttir:
Viðreisn vill nýta fjarmuni bæjarfélagsins með skynsemi. Ef svigrúm er til teljum við mikilvægt að nýta meira fé til þess að efla lýðheilsu bæjarbúa. Eins viljum við skoða hvort grundvöllur sé fyrir tekjutengdum frístundarstyrk til þess að auka aðgengi barna frá tekjulágum heimilum að íþrótta og tómstundarstarfi.

Verja ætti meira fé til að styðja menningarlíf í sveitarfélaginu.

Svona svarar Bryndís Rut Logadóttir:
Viðreisn vill fjölbreytt og skemmtilegt menningarlíf í Kópavogi. Nýta þarf fjármagnið af skynsemi þannig að það nýtist sem best. Viðreisn vill skoða að koma á fót bæjarhátíð í Kópavogi til þess að efla bæjarbraginn í samstarfi við einkaaðila.

Hælisleitendur á barnsaldri ættu að fá sömu þjónustu í sveitarfélaginu og aðrir íbúar.

Svona svarar Bryndís Rut Logadóttir:
Öll börn búsett í Kópavogi eiga að fá þá þjónustu sem bæjarfélaginu ber að veita samkvæmt lögum.

Snjómokstur og götusópun er fullnægjandi í mínu sveitarfélagi.

Svona svarar Bryndís Rut Logadóttir:
Starfsfólk Kópavogsbæjar og áhaldahússins hafa staðið sig vel í að sinna snjómokstri og götusópun í bænum og eiga hrós skilið fyrir það.

Sveitarfélagið ætti að greiða leið nýrra fyrirtækja sem vilja hefja starfsemi á svæðinu, með fjárhagslegum ívilnunum

Svona svarar Bryndís Rut Logadóttir:
Viðreisn í Kópavogi telur að fjárhagslegar ívilnanir til fyrirtækja sé ekki hlutverk sveitafélagsins. Hinsvegar teljum við að mikilvægt sé að stytta boðleiðir einfalda ferla og gera þannig þjónustu við fyrirtækin skilvirkari.

Sveitarfélagið þarf að auka fjárhagsaðstoð við þá íbúa sem lifa undir fátæktarmörkum.

Svona svarar Bryndís Rut Logadóttir:
Viðreisn í Kópavogi telur skynsamlegra að nýta fjármunina til þess að tryggja hagkvæmara húsnæði fyrir tekjulægri hópa.

Lengja ætti opnunartíma sundlauga, þótt það kosti sveitarfélög fé.

Svona svarar Bryndís Rut Logadóttir:
Viðreisn í Kópavogi vill lengja opnunartíma sundlauganna um helgar og halda báðum sundlaugum opnum á almennum frídögum.

Sveitarfélög hafa gengið of langt í að skikka íbúa til að flokka sorp.

Svona svarar Bryndís Rut Logadóttir:
Viðreisn í Kópavogi styður núverandi flokkunarkerfi. Það hefur skilað góðum árangri og hvetur til umhverfisvitundar,.

Sveitarfélög ættu að verja meira fé í þjónustu við eldri borgara.

Svona svarar Bryndís Rut Logadóttir:
Fyrst og fremst þarf að nýta það fé sem nú er varið í málaflokkinn með skilvirkni að leiðarljósi. Samþætting þjónustu og rétt þjónusta á réttum stað gæti skapað mikilvægt svigrúm til þess að bæta þjónustuna án þess að það kosti sveitafélagið meira.

Sveitarfélög ættu að greiða eldri borgurum frístundastyrk.

Svona svarar Bryndís Rut Logadóttir:
Viðreisn í Kópavogi vill koma á fót frístundarstyrk fyrir eldri borgara. Slíkur styrkur er hvetjandi til íþróttaiðkunar sem bætir bæði líkamlega og andlega heilsu og dregur úr einmanaleika.

Sveitarfélagið á að taka þátt í svokölluðum samgöngusáttmála höfuðborgarsvæðisins.

Svona svarar Bryndís Rut Logadóttir:
Mikilvægt er að halda áfram með þá uppbyggingu sem nú þegar er hafin með samgöngusáttmálanum. Það er til bóta fyrir bæði þá sem kjósa að nota einkabíl sem og þá sem velja almenningssamgöngur.

Ljúka á við Borgarlínu í þeirri mynd sem núverandi áform gera ráð fyrir.

Svona svarar Bryndís Rut Logadóttir:
Mikilvægt er að haldið sé áfram með þá vinnu sem er hafin við Borgarlínuna. Virkt samráð og upplýsingaflæði til íbúa þarf alltaf að vera til staðar.

Fækka á akreinum fyrir almenna bílaumferð til að búa til pláss fyrir sérakreinar fyrir strætó.

Svona svarar Bryndís Rut Logadóttir:
Mikilvægt er að pláss sé fyrir fjölbreyttan samgöngumáta. Ekki ætti að fækka akgreinu þar sem ekki er þörf á en mikilvægt er þó að greið leið sé fyrir almenningsvagna svo það sé raunverulegur valkostur fyrir íbúa.

Að minnsta kosti eitt bílastæði á að fylgja hverri íbúð í sveitarfélaginu.

Það eru of margir einkabílar í umferðinni.

Svona svarar Bryndís Rut Logadóttir:
Núverandi innviðir bera ekki þá fjölgun einkabíla sem á sér stað. Þess vegna er mikilvægt að styðja þá uppbyggingu sem á sér stað með samgöngusáttmálanum. Fólk þarf að hafa raunverulegt val á að nýta aðra samgönguhætti kjósi það svo.

Það er rétt að takmarka aðgengi almennings að útivistarsvæðinu í Heiðmörk í þágu vatnsverndar.

Svona svarar Bryndís Rut Logadóttir:
Heiðmörk er mikilvægt útivistasvæði íbúa höfuðborgarsvæðisins og stuðlar að betri lýðheilsu. Hinsvegar þarf að takmarka umferða þungaflutninga um svæðið og gæta að vatnsbólinu.

Halda ætti óbreyttri stefnu í leikskólamálum í Kópavogi (Kópavogsmódelið).

Svona svarar Bryndís Rut Logadóttir:
Með Kópavogsmódelinu hefur tekist að bæta starfsumhverfi og stöðuleika en huga þarf betur að sanngjarnari gjaldtöku.

Hugmyndir um uppbyggingu í Hamraborg eru vel heppnaðar.

Svona svarar Bryndís Rut Logadóttir:
Viðreisn í Kópavogi fagnar uppbyggingu Hamraborgar. Hinsvegar teljum við að aðdragandi hennar og upplýsingagjöf til íbúa hafi verið ábótavant.

Spjaldtölvuvæðing í grunnskólum í Kópavogi hefur heppnast farsællega.

Svona svarar Bryndís Rut Logadóttir:
Með tilkomu spjaldtölvuvæðingar opnuðust ný tækifæri á fjölbreyttari kennsluháttum.

Reisa ætti svokallaðan Lífsgæðakjarna í landi Gunnarshólma, sem er utan vaxtarmarka Kópavogs og innan vatnsverndarsvæðis.

Svona svarar Bryndís Rut Logadóttir:
Svæðið er utan vaxtamarka höfuðborgarsvæðisins og á vantsverndarsvæði. Viðreisn í Kópavogi vill leggja áherslu á frekari uppbyggingu innan þeirra kjarna sem nú þegar eru í Kópavogi. Við viljum fjölbreytt samfélag þar sem allir aldurshópar hafa tækifæri til að taka þátt og setja sitt mark á bæjarbraginn.

Hver eru mikilvægustu kosningamálin?