Frambjóðandi

Ég er 3 barna móðir í Vesturbænum í Reykjavík. Ólst upp í Kópavogi en fór í MR og fór í háskóla í Grenoble í Frakklandi og Háskóla Íslands þar sem ég menntaði mig í frönsku og fjölmiðlafræði. Er líka menntaður fjallaleiðsögumaður og vann við það á hálendi Ísland í mörg ár ásamt því að vinna við fjölmiðla bæði á Íslandi og í París áður en ég fór að vinna við stjórnmál. Ég er grænmetisæta og hef ekki borðað kjöt í 5 ár. Við eigum Vita sem er 3 ára ástralskur fjárhundur og höfum búið sl. 2 ár í París.

1975

107 Reykjavík

Íslandi

Frönsku, ensku og smá í dönsku/sænsku

Sjálfstætt starfandi ráðgjafi

Við búum í íbúð í 4 íbúða fjölbýli.

BA-próf frá Háskóla Íslands og Université de Stendhal í Grenoble.

Ég gekk til liðs við VG árið 2003 og tók 9. sæti á lista hreyfingarinnar í Reykjavík Suður sama ár. Sagði mig svo úr hreyfingunni þegar ég fór að vinna við fjölmiðla og varð óflokksbundin. Gekk svo aftur til liðs VG 2010, var svo varaþingmaður í Suðvesturkjördæmi 2013-2016, framkvæmdastjóri þingflokks árið 2015 og svo þingmaður og oddviti VG í Suðvesturkjördæmi 2017-2020. Sagði mig úr flokknum það ár en skráði mig aftur 2024.

Ísland er auðugt land út frá náttúrunnar hendi. Eftri 10 ár verðum við fremst á meðal annarra þjóða og fyrirmynd hvað varðar græna orkustefnu, aðgerðir gegn loftslagsbreytingum og hringrásarhagkerfinu. Eftir 10 ár verður enn sterkara menntakerfi, enn sterkari sprotafyrirtæki sem byggja á íslensku hugviti og þegar kemur að kvenréttindum og lýðræði verður Ísland fyrirmynd annarra þjóða eftir 10 ár.

Katrín Jakobsdóttir og Svandís Svavarsdóttir eru áhrifamestu stjórnmálakonur samtímans á Íslandi og það hefur verið ótrúlega dýrmætt að vinna náið með þeim báðum. Jóhanna Sigurðardóttir er líka sterk fyrirmynd, fyrir sína ótrúlega seiglu og hinsegin samfélagið. Kvennalistakonur hafa ávallt verið magnaðar fyrirmyndir fyrir að sýna hverju samtakamátturinn getur áorkað. Simone Veil var líka mögnuð, hún lifði af Helförina, varð síðar heilbrigðisráðherra Frakklands og breytti þungunarrofslögum þar í landi 1974.

Mjög mörg ! Sade er algjör drottning og hefur fylgt mér frá 14 ára aldri en hin franska Zaho de Sagazan er búin að vera í miklu uppáhaldi hjá mér undanfarið og ég er að fara á tónleika með henni í Strasbourg. Lianne La Havas er frábær söngkona en líka Cloe Sol sem ég hlusta mikið á þessa dagana. Svo fíla ég líka Aya Nakamura sem er ein mest spilaðasta tónlistarkona í heimi og sló í gegn með atriði sitt á opnunarhátíð Ólympíuleikunum í París. Ásgeir Trausti er líka í uppáhaldi hjá mér og Michael Kiwanuka.

Margar bækur í miklu uppáhaldi. Hannah Kent skrifaði bókina Náðarstund sem sat lengi í mér, enda í fyrsta sinn sem seinustu aftökur Íslandssögunnar eru sagðar frá sjónarhorni Agnesar. Svo hef ég verið nýlega að lesa bækur Claire Keegan; Fóstur og Smáhlutir sem þessir. Þær eru frábærlega skrifaðar.

Ég held mjög mikið upp á kvikmyndina Amelie eftir Jean-Pierre Jaunet og allar myndirnar hans; Délicatessen og Very Long Engagement. In the Mood for Love er líka algjörlega frábær og tyrknesk-þýska myndin The Edge of Heaven er mjög góð. Kvikmyndin Perfect Days eftir Wim Wenders er frábær kvikmynd og ég mæli mjög með henni. Íranska myndin Holy Spider er svakalega góð, sérstaklega í ljósi pólitísks ástands þar. Svo held ég líka mjög mikið upp á Harry Potter myndirnar og Lord of the Rings, þar sem ég á 3 börn.

Útivera og fjallgöngur.